Atyraý oblysynyń Qurmanǵazy aýdanynda 400-ge jýyq elektr baǵanasy qulaǵan, dep habarlaidy QazAqparat.
Qurmanǵazy aýdanynda 5 naýryzdan beri elektr energiiasyndaǵy aqaý áli tolyq qalpyna keltirilgen joq.
«Jóndeý jumystaryn júrgizýdiń nátijesinde Qurmanǵazy aýdanynyń ortalyǵyndaǵy shaǵyn aýdandarǵa elektr energiiasyn kezeń-kezeńmen berý iske asyryldy. Qazir Qurmanǵazy, Baida, Orly, Shortanbai, Dyńǵyzyl, Qiǵash, Súiindik, Asan, Azǵyr, Nurjaý, Jańatalap, Teńiz, Kýdriashov, Eńbekshi, Maqash, Safon, Aqkól okrýgterine tok kózi berildi. Al, Kóptoǵai okrýginde quramynda 6 adam, 4 tehnika bar 1 brigada, Birlik aýyldyq okrýginde 3 brigadanyń quramynda 14 adam men 3 tehnika elektr energiiasyn, keibir eldi mekenderde elektr jáne bailanys jelilerin qalpyna keltirý jumystaryn jalǵastyryp jatyr. «Qazaqtelekom» AQ-nyń 27 stansasynyń 20-synda bailanys ornatyldy», - dep habarlady aýdyndyq ákimdik taratqan aqparatta.
Qurmanǵazy aýdanynda elektr jelilerin qalpyna keltirý jumystaryna «Atyraý-Jaryq» AQ-nyń 8 brigadasy (56 adam, 20 tehnika) jáne «Qazaqstan temirjoly» AQ elektrmen qamtý bóliminiń 1 brigadasy (15 adam, 6 tehnika) jumyldyrylyp otyr.
«Tabiǵi apattyń saldarynan bir 22 metrlik 35 kVT, alty 22 metrlik 10 kVT, 400-ge jýyq 11 metrlik 10 kVT elektr baǵanasy qulaǵan. Osyǵan bailanystty meditsina mekemeleri men ózge de áleýmettik mańyzy bar nysandarda ýaqytsha dizel generatory iske qosylǵan», - dep habarlady óńirlik kommýnikatsiialar qyzmeti.
