Atyraý oblysynyń ákimi Mahambet Dosmuhambetov orynbasary Baqytgúl Hamenovanyń qamaýǵa alynǵanyn estip, renjigenin moiyndady, - dep habarlaidy Tengrinews.kz tilshisi.
"Hamenovanyń ornyn eshkim alǵan joq. Onyń qyzmeti ákimniń orynbasarlary arasynda bólingen. Tergeý júrip jatyr, tergeýden keiin bári belgili bolady. Men túsinikteme bere almaimyn (Hamenovaǵa taǵylǵan aiyptar boiynsha - eskert.), qazir tergeý júrip jatyr", - dedi Dosmuhambetov Úkimet otyrysynan keiin jýrnalister suraǵyna jaýap berip.
Hamenova ustalǵanyn estigende "árine, renjidim" dep jaýap berdi ákim.
Ol qamaýǵa alynǵannan keiin Hamenovamen bailanyspaǵanyn jáne quqyq qorǵaý organdary ony jaýap alýǵa shaqyrmaǵanyn túsindirdi.
Ákim jaqyn arada qyzmetten ketetini týraly qaýesetterge de jaýap berdi.
"Mende ondai aqparat joq, estigen joqpyn. (...) Bul máseleni retteitin zań bar. Eger orynbasarlarymnyń sybailas jemqorlyq jasaǵany anyqtalsa, onda zańǵa sáikes men otstavkaǵa ketýim kerek. Al ony Memleket basshysy qabyldaidy", - dedi Dosmuhambetov.
Onyń aitýynsha, sybailas jemqorlyq daýynan keiin Atyraýda Abai eskertkishin ornatý jumystary keiinge shegerilýi múmkin.
"Eskertkish týraly sheshim, qatelespesem, 2016 jyly qabyldanǵan. Pandemiia kezinde jumysty júrgize almadyq, eskertkishti biyl ornatý josparda bar edi. Iá, ýaqyty sozylýy múmkin nemese sozylmaidy. Tergeý áser ete me, aita almaimyn", - dep jaýap berdi ákim.
Hamenovanyń ustalýy
Hamenova Qylmystyq kodekstiń 366-babynyń ekinshi bóligi boiynsha "aitarlyqtai mólsherde para aldy" degen kúdikke ilindi. Rastalmaǵan aqparat boiynsha, para Abai eskertkishin ornatýǵa jariialanǵan tender boiynsha berilgen.
Qazir sheneýnik úi qamaýynda otyr.
Baqytgúl Hamenova májilis depýtaty bolǵan kezde 2017 jyldyń kókteminde Astana áýejaiyna prezident Nursultan Nazarbaevtyń atyn berý týraly usynys aitqannan keiin tanymal boldy.
Astana áýejaiynyń ataýy 2017 jyldyń maýsymynda Nazarbaevtyń qurmetine ózgertildi.
