Atyraý oblysy boiynsha aýyl sharýashylyǵy salasynda aldaǵy jyldary 23 joba júzege asady. Oblystyq aýyl sharýashylyǵy basqarmasynyń basshysy Amangeldi Salamat oblys ákimdigindegi birinshi jartyjyldyq qorytyndysy boiynsha ótken jiynda osylai dedi, - dep habarlaidy «Ult aqparat».
Basqarma basshysynyń aitýynsha, aýyl sharýashylyǵy salasynda aitarlyqtai ósim bar. Bul týraly Amangeldi Salamat bylai deidi:
«Barshańyzǵa belgili, statistikaǵa súiensek, oblystyń aýyl sharýashylyǵy salasynda ótken jyldyń osy kezeńimen salystyrǵanda ósim bar. Aýyl sharýashylyǵy óndirisi kólemi 100,9 paiyzdy qurady. Onyń ishinde, ósimdik sharýashylyǵy – 100 %, mal sharýashylyǵy – 100,9 %, et óndirisi – 101,4%, siyr súti – 104,6% qurap otyr. Bul aitarlyqtai ósim ekenin tsifrlardan-aq bilýge bolady. Sondai-aq, osy jyly 180 márte jármeńke uiymdastyrylyp, al, kókónis baǵasy ótken aptaǵa qaraǵanda 15 paiyzǵa arzandady. Baǵa turaqtylyǵyna jergilikti ónimderdiń pisýi de oń yqpal etýde», - dedi Atyraý oblystyq aýyl sharýashylyǵy basqarmasynyń basshysy Amangeldi Salamat.
Aimaq basshysy Mahambet Dosmuhambetov baǵany baqylaýǵa alýdy tapsyrsyrdy.
«Ózderińiz bilesizder, maýsymynda baǵalardyń sharyqtap ketetini jasyryn emes. Men osy oraida aimaqta baǵany turaqty ustap turý úshin barlyq is-sharalardy qabyldaý kerektigin airyqsha eskertip, tapsyrǵym keledi. Bul másele oblys basshylyǵynyń nazarynda bolady. Bul maqsatta «Atyraý» áleýmettik-kásipkerlik korporatsiiasy arqyly qomaqty qarjy bólinip kele jatyr. Sol úshin tek berekeli áreket etýge shaqyramyn», - dedi aimaq basshysy Mahambet Dosmuhambetov.
Dosmuhambetovtyń aitýynsha, qazirgi ýaqytta kóptegen azyq-túlik ónimderi syrttan jetkiziledi. Degenmen, aýyl sharýashylyǵyn damytýǵa erekshe kóńil bólý jalǵasa beredi.
Óńir basshysy baǵany ustap turýdy ǵana emes, sonymen qatar, shaǵyn jáne orta kásipkerlik sýbektileri óndiretin ónimderdiń kólemin arttyrýdy, aýyl sharýashylyq jáne kásipkerlik jobalaryn júzege asyrý boiynsha jumystardy jetildirip, jańa jumys oryndaryn qurýdy júktedi. Sondai-aq, azyq-túlik, jem-shóp jáne halyq jappai tutynatyn taýarlardyń baǵasyna turaqty baqylaý jasap, monitoring júrgizýdi mindettedi.
«Aýyl sharýashylyǵyn damytý maqsatynda tórt jylǵa arnaiy jospar da bekitildi. Atap aitqanda, 2021-2025 jyldarǵa arnalǵan keshendi damý josparyna sáikes, 23 joba júzege asatyn bolady. Onyń ishinde 6 jobany biyl iske qosý josparlansa, búgingi tańda 4-i jumys jasaýda. Olardyń qatarynda jylyjailar, sút óndirisi tsehy, mal bordaqylaý men jańbyrlatyp sýarý alańdary bar. Sonymen qatar, Atyraý qalasyndaǵy «Imanbaev» jáne «Otbasy» sharýa qojalyqtarynyń jylyjailary, jylyna 72 tonna et óndiretin «ATYRAÝ-ChIFTLIK» mal bordaqylaý alańy iske qosylyp, «Asyl Agro» jáne «Jumaǵalieva» ShQ-nyń jańbyrlatyp sýarý qondyrǵylary jumys jasaýda», - dedi Atyraý oblystyq aýyl sharýashylyǵy basqarmasynyń basshysy Amangeldi Salamat.
Sondai-aq, Mahambet aýdanyndaǵy «Jumaǵaliev» sharýa qojalyǵyna qarasty jylyjai kesheniniń qurylysy júrgizilip jatyr. Al Jylyoi aýdanynda sút óndirý tsehy, Atyraý qalasyndaǵy jylyna 235 tonna et óndiretin «Djýmagalieva» JK jáne «Jan&Adil» JShS mal bordaqylaý alańdary aldaǵy ýaqytta halyq igiligine berilmek.
Esterińizge sala keteiik, Atyraý oblysy boiynsha aýyl sharýashylyǵy salasynda aldaǵy jyldary 23 joba júzege asady. Oblystyq aýyl sharýashylyǵy basqarmasynyń basshysy Amangeldi Salamat oblys ákimdigindegi birinshi jartyjyldyq qorytyndysy boiynsha ótken jiynda osylai dedi. Basqarma basshysynyń aitýynsha, aýyl sharýashylyǵy óndirisi kólemi 100,9 paiyzdy qurasa, onyń ishinde, ósimdik sharýashylyǵy – 100 %, mal sharýashylyǵy – 100,9 %, et óndirisi – 101,4%, siyr súti – 104,6% qurap otyr. Sondai-aq, osy jyly 180 márte jármeńke uiymdastyrylyp, al, kókónis baǵasy ótken aptaǵa qaraǵanda 15 paiyzǵa arzandaǵan.
