Atyraý oblysyndaǵy "QazTransOil" AQ nysanynda munai tógilgen, - dep habarlaidy "Ult aqparat" kompaniianyń baspasóz qyzmetine silteme jasap.
Oqiǵa 2018 jyldyń 15 qańtarynda bolǵan.
"2018 jyldyń 15 qańtarynda Atyraý oblysynda saǵat 12.42-de (Astana ýaqytymen) "QazTransOil" AQ Qulsary munaiqubyry basqarmasynyń A. Qultýmiev atyndaǵy munai aidaý stantsiiasynda qýat kózimen qamtamasyz etetin uiym tarapynan qýat kóziniń tómendep ketýiniń nátijesinde № 7 qyzdyrý peshiniń ysyrmaly elektr jetegi qysymtyǵynyń tolyqtai ashylýymen órtten qorǵaý dabyly qosyldy. Ysyrmaly qysymtyqtyń ashylýynyń saldarynan munai drenajdyq syiymdylyq pen qarly jerge tarady", - dep habarlady kompaniianyń baspasóz qyzmeti.
Kompaniiadaǵylardyń aitýynsha, qazirgi tańda tógilgen jer betinen munai tazartylyp, topyraq qunarlyǵyn qalpyna keltirý jumystary júrgizilýde. Tógilgen munaidyń kólemi anyqtalyp jatyr.
Sondai-aq, tótenshe jaǵdaidan eshkimniń zardap shekpegeni aitylady.
"QazTransOil" AQ múlki men óndiristik nysandaryna zaqym kelgen joq. Oqiǵa Ózen-Atyraý-Samara magistraldy munai qubyry arqyly ótetin munai tasymaly úrdisine áser etpedi. Oqiǵa bolǵan jer turǵylyqty aýdandardan qashyqtyqta ornalasqan, qorshaǵan ortaǵa zalal keltirilgen joq. Qazirgi tańda oqiǵanyń sebep-saldaryn anyqtaý maqsatynda tekserý de jumystary júrgizilip jatyr", - dep habarlady kompaniianyń ókilderi.
