اتىراۋ وبلىسىنداعى "قازترانسويل" اق نىسانىندا مۇناي تٶگٸلگەن, - دەپ حابارلايدى "ۇلت اقپارات" كومپانييانىڭ باسپاسٶز قىزمەتٸنە سٸلتەمە جاساپ.
وقيعا 2018 جىلدىڭ 15 قاڭتارىندا بولعان.
"2018 جىلدىڭ 15 قاڭتارىندا اتىراۋ وبلىسىندا ساعات 12.42-دە (استانا ۋاقىتىمەن) "قازترانسويل" اق قۇلسارى مۇنايقۇبىرى باسقارماسىنىڭ ا. قۇلتۋميەۆ اتىنداعى مۇناي ايداۋ ستانتسيياسىندا قۋات كٶزٸمەن قامتاماسىز ەتەتٸن ۇيىم تاراپىنان قۋات كٶزٸنٸڭ تٶمەندەپ كەتۋٸنٸڭ نەتيجەسٸندە № 7 قىزدىرۋ پەشٸنٸڭ ىسىرمالى ەلەكتر جەتەگٸ قىسىمتىعىنىڭ تولىقتاي اشىلۋىمەن ٶرتتەن قورعاۋ دابىلى قوسىلدى. ىسىرمالى قىسىمتىقتىڭ اشىلۋىنىڭ سالدارىنان مۇناي درەناجدىق سىيىمدىلىق پەن قارلى جەرگە تارادى", - دەپ حابارلادى كومپانييانىڭ باسپاسٶز قىزمەتٸ.
كومپانيياداعىلاردىڭ ايتۋىنشا, قازٸرگٸ تاڭدا تٶگٸلگەن جەر بەتٸنەن مۇناي تازارتىلىپ, توپىراق قۇنارلىعىن قالپىنا كەلتٸرۋ جۇمىستارى جٷرگٸزٸلۋدە. تٶگٸلگەن مۇنايدىڭ كٶلەمٸ انىقتالىپ جاتىر.
سونداي-اق, تٶتەنشە جاعدايدان ەشكٸمنٸڭ زارداپ شەكپەگەنٸ ايتىلادى.
"قازترانسويل" اق مٷلكٸ مەن ٶندٸرٸستٸك نىساندارىنا زاقىم كەلگەن جوق. وقيعا ٶزەن-اتىراۋ-سامارا ماگيسترالدى مۇناي قۇبىرى ارقىلى ٶتەتٸن مۇناي تاسىمالى ٷردٸسٸنە ەسەر ەتپەدٸ. وقيعا بولعان جەر تۇرعىلىقتى اۋدانداردان قاشىقتىقتا ورنالاسقان, قورشاعان ورتاعا زالال كەلتٸرٸلگەن جوق. قازٸرگٸ تاڭدا وقيعانىڭ سەبەپ-سالدارىن انىقتاۋ ماقساتىندا تەكسەرۋ دە جۇمىستارى جٷرگٸزٸلٸپ جاتىر", - دەپ حابارلادى كومپانييانىڭ ٶكٸلدەرٸ.
