Atyraý oblysynda jolaýshylar avtobýsy jol jiegindegi sýǵa túsip ketti, dep habarlaidy QazAqparat.
Atyraýdan kórshiles Mańǵystaý oblysyndaǵy Beineý aýyly men Batys Qazaqstan oblysynyń Oral qalasyna jolaýshylar avtobýsy qatynaidy. Keshe, 4 mamyrda Beineýden kele jatqan jolaýshylar avtobýsy joldan túsip ketken.
Jol-kólik oqiǵasy keshe saǵat 11:00 shamasynda bolǵan. Bul derekti oblystyq politsiia departamentiniń baspasóz qyzmeti rastady.
«Mańǵystaý oblysynyń Beineý aýylynan Atyraýǵa kele jatqan jolaýshylar avtobýsy respýblikalyq mańyzy bar «Atyraý-Dossor-Qulsary-Beineý» jolynyń 109-shaqyrymynda kúre joldan túsip ketti. Avtobýstyń rýlinde 1984 jyly týǵan er adam bolǵan. Júrgizýshi kóliktiń basqarý júiesin igere almai qalǵan. Bul avtobýstyń joldan shyǵyp ketýine sebep boldy. Sóitip, avtobýs jol jiegindegi sýǵa túsip ketken», - dep habarlady politsiia departamentiniń baspasóz qyzmetinen.
Sol kezde avtobýstyń salonynda 10 jolaýshy bolǵan. Jolaýshylar din aman.
