اتىراۋ وبلىسىندا جولاۋشىلار اۆتوبۋسى جول جيەگٸندەگٸ سۋعا تٷسٸپ كەتتٸ, دەپ حابارلايدى قازاقپارات.
اتىراۋدان كٶرشٸلەس ماڭعىستاۋ وبلىسىنداعى بەينەۋ اۋىلى مەن باتىس قازاقستان وبلىسىنىڭ ورال قالاسىنا جولاۋشىلار اۆتوبۋسى قاتىنايدى. كەشە, 4 مامىردا بەينەۋدەن كەلە جاتقان جولاۋشىلار اۆتوبۋسى جولدان تٷسٸپ كەتكەن.
جول-كٶلٸك وقيعاسى كەشە ساعات 11:00 شاماسىندا بولعان. بۇل دەرەكتٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸ راستادى.
«ماڭعىستاۋ وبلىسىنىڭ بەينەۋ اۋىلىنان اتىراۋعا كەلە جاتقان جولاۋشىلار اۆتوبۋسى رەسپۋبليكالىق ماڭىزى بار «اتىراۋ-دوسسور-قۇلسارى-بەينەۋ» جولىنىڭ 109-شاقىرىمىندا كٷرە جولدان تٷسٸپ كەتتٸ. اۆتوبۋستىڭ رۋلٸندە 1984 جىلى تۋعان ەر ادام بولعان. جٷرگٸزۋشٸ كٶلٸكتٸڭ باسقارۋ جٷيەسٸن يگەرە الماي قالعان. بۇل اۆتوبۋستىڭ جولدان شىعىپ كەتۋٸنە سەبەپ بولدى. سٶيتٸپ, اۆتوبۋس جول جيەگٸندەگٸ سۋعا تٷسٸپ كەتكەن», - دەپ حابارلادى پوليتسييا دەپارتامەنتٸنٸڭ باسپاسٶز قىزمەتٸنەن.
سول كەزدە اۆتوبۋستىڭ سالونىندا 10 جولاۋشى بولعان. جولاۋشىلار دٸن امان.
