Atyraý oblysynda jol apatynan 5 adam mert boldy, dep habarlaidy QazAqparat.
Oblystyq politsiia departamentiniń baspasóz qyzmetinen málim etkendei, jol-kólik apaty búgin, 28 qańtarda saǵat 16:00 shamasynda bolǵan.
Atyraý oblysynyń Dossor kentinen Mańǵystaý óńirindegi Beineý aýdany baǵytyna qatynaityn tas joldyń 71-shaqyrymynda eki kólik soqtyǵysqan. Onyń biri – Ózbekstan Respýblikasynda tirkelgen «MAN» markaly júk tasymaldaityn, al, ekinshisi – Almaty oblysynyń turǵynyna tiesili «Toyota Camry» markaly jeńil kólik.
«Jol-kólik apatynyń saldarynan «Toyota Camry» kóliginiń júrgizýshisi men 4 jolaýshysy oqiǵa ornynda mert boldy. Kóz jumǵandardyń ekeýi – kámelet jasyna tolmaǵan jasóspirim», -dep málim etti baspasóz qzymetinen.
Qazir politsiia qyzmetkerleri jol-kólik apatyn bolǵan ornynda tergep-tekserý amaldaryn júrgizýdi bastady.
