اتىراۋ وبلىسىندا جول اپاتىنان 5 ادام مەرت بولدى, دەپ حابارلايدى قازاقپارات.
وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, جول-كٶلٸك اپاتى بٷگٸن, 28 قاڭتاردا ساعات 16:00 شاماسىندا بولعان.
اتىراۋ وبلىسىنىڭ دوسسور كەنتٸنەن ماڭعىستاۋ ٶڭٸرٸندەگٸ بەينەۋ اۋدانى باعىتىنا قاتىنايتىن تاس جولدىڭ 71-شاقىرىمىندا ەكٸ كٶلٸك سوقتىعىسقان. ونىڭ بٸرٸ – ٶزبەكستان رەسپۋبليكاسىندا تٸركەلگەن «MAN» ماركالى جٷك تاسىمالدايتىن, ال, ەكٸنشٸسٸ – الماتى وبلىسىنىڭ تۇرعىنىنا تيەسٸلٸ «Toyota Camry» ماركالى جەڭٸل كٶلٸك.
«جول-كٶلٸك اپاتىنىڭ سالدارىنان «Toyota Camry» كٶلٸگٸنٸڭ جٷرگٸزۋشٸسٸ مەن 4 جولاۋشىسى وقيعا ورنىندا مەرت بولدى. كٶز جۇمعانداردىڭ ەكەۋٸ – كەمەلەت جاسىنا تولماعان جاسٶسپٸرٸم», -دەپ مەلٸم ەتتٸ باسپاسٶز قزىمەتٸنەن.
قازٸر پوليتسييا قىزمەتكەرلەرٸ جول-كٶلٸك اپاتىن بولعان ورنىندا تەرگەپ-تەكسەرۋ امالدارىن جٷرگٸزۋدٸ باستادى.
