Atyraý oblysynda jerasty sý qorlaryna barlaý júrgiziledi. Bul jaiynda QR Premer-Ministriniń orynbasary Roman Skliardiń Májilis depýtattary saýalyna bergen jaýabynda aitylǵan, dep habarlaidy QazAqparat.
«Jaiyq ózeninen sý tutynýdy paidalanýdy azaitý úshin sýmen jabdyqtaýdyń jerasty kózderine kezeń-kezeńimen kóshý týraly sheshim qabyldandy. Batys Qazaqstan oblysynda sý tapshylyǵyn boldyrmaý jáne halyqty turaqty sýmen jabdyqtaýdy qamtamasyz etý maqsatynda biyl táýligine 1000 tekshe metr tómen kólemmen 16 uńǵymany qalpyna keltirý jumysy júrgizildi» delingen Roman Skliardyń jaýabynda.
Sonymen qatar vitse-premer 2015-2021 jyldar aralyǵynda 224 eldi mekenniń jerasty sý qory barlanyp, 13 ken ornyna qaita baǵalaý jumysy júrgizilgenin aitady.
«Bul rette 2022-2024 jyldar aralyǵynda eldi mekenderdi jerasty sýymen qamtamasyz etý úshin 7 ken ornynyń qoryn qaita baǵalaý jumysy josparlanǵan. Sondai-aq, Atyraý oblysy Qyzylqoǵa aýdanyndaǵy Shyǵys Taisoiǵan jer asty sý qorynan sý alý úshin qosymsha izdestirý-barlaý jumysyn júrgizý kózdelip otyr», - deidi Roman Skliar.
