Atyraý oblysynda Jem ózeni kóterilip, birneshe aýlany sý basty, dep habarlaidy QazAqparat.
Jem ózeni Jylyoi aýdanynyń ortalyǵy – Qulsary qalasyna taiaý mańnan aǵyp ótedi. Búgin atalǵan ózen sýy kóterilip, tańǵy saǵat 5:57-de Qulsary qalasyndaǵy 7-aýyldaǵy 3 aýlany sý basqan.
«Osyǵan bailanysty jeke ieliktegi 3 turǵyn úiden 10 adam (onyń ishinde 4 bala) evakýatsiialanyp, týystarynyń baspanasyna ornalastyryldy. Eń qaýipti ýchaskedegi 7-aýyldyń turǵyn úilerin qorǵaý úshin topyraq úiindisi salynyp, qum toltyrylǵan qaptardy tóseý jumystary júrgizilip jatyr», - dep málim etti tótenshe jaǵdailar departamentiniń baspasóz qyzmetinen.
Turǵyn úilerdi sý basýdan qorǵaý jumysyna departamenttiń 25 qyzmetkeri men 3 tehnika, jergilikti atqarýshy organnan 30 qyzmetker men 1 tehnika tartylǵan. Olarǵa kómekke aýdandyq politsiia bóliminiń 20 qyzmetker men 6 tehnika kelgen.
Sondai-aq, «Kazkomservis» JShS-nan 9 qyzmetker, 9 tehnika, «Jylyoi-Sý», «Jylyoi-Gaz» JShS-nan 6 qyzmetker, 6 tehnika bólingen. Al, «Jylyoi-Munai-Gaz» JShS 2 qyzmetkeri men 2 tehnika jibergen.
