اتىراۋ وبلىسىندا جەم ٶزەنٸ كٶتەرٸلٸپ, بٸرنەشە اۋلانى سۋ باستى, دەپ حابارلايدى قازاقپارات.
جەم ٶزەنٸ جىلىوي اۋدانىنىڭ ورتالىعى – قۇلسارى قالاسىنا تاياۋ ماڭنان اعىپ ٶتەدٸ. بٷگٸن اتالعان ٶزەن سۋى كٶتەرٸلٸپ, تاڭعى ساعات 5:57-دە قۇلسارى قالاسىنداعى 7-اۋىلداعى 3 اۋلانى سۋ باسقان.
«وسىعان بايلانىستى جەكە يەلٸكتەگٸ 3 تۇرعىن ٷيدەن 10 ادام (ونىڭ ٸشٸندە 4 بالا) ەۆاكۋاتسييالانىپ, تۋىستارىنىڭ باسپاناسىنا ورنالاستىرىلدى. ەڭ قاۋٸپتٸ ۋچاسكەدەگٸ 7-اۋىلدىڭ تۇرعىن ٷيلەرٸن قورعاۋ ٷشٸن توپىراق ٷيٸندٸسٸ سالىنىپ, قۇم تولتىرىلعان قاپتاردى تٶسەۋ جۇمىستارى جٷرگٸزٸلٸپ جاتىر», - دەپ مەلٸم ەتتٸ تٶتەنشە جاعدايلار دەپارتامەنتٸنٸڭ باسپاسٶز قىزمەتٸنەن.
تۇرعىن ٷيلەردٸ سۋ باسۋدان قورعاۋ جۇمىسىنا دەپارتامەنتتٸڭ 25 قىزمەتكەرٸ مەن 3 تەحنيكا, جەرگٸلٸكتٸ اتقارۋشى ورگاننان 30 قىزمەتكەر مەن 1 تەحنيكا تارتىلعان. ولارعا كٶمەككە اۋداندىق پوليتسييا بٶلٸمٸنٸڭ 20 قىزمەتكەر مەن 6 تەحنيكا كەلگەن.
سونداي-اق, «كازكومسەرۆيس» جشس-نان 9 قىزمەتكەر, 9 تەحنيكا, «جىلىوي-سۋ», «جىلىوي-گاز» جشس-نان 6 قىزمەتكەر, 6 تەحنيكا بٶلٸنگەن. ال, «جىلىوي-مۇناي-گاز» جشس 2 قىزمەتكەرٸ مەن 2 تەحنيكا جٸبەرگەن.
