Atyraý oblysynda jel elektr stansasynyń qurylysy bastaldy, dep habarlaidy "Ult aqparat".
Balamaly qýat kózin óndiretin qurylysy Maqat aýdanynda salynyp jatyr. Osy maqsatqa 500 gektar jer ýchaskesi bólingen. Jobanyń investory – «Divitel» JShS.
Maqat aýdanynyń ákimi Shákir Keikinniń aitýynsha, joba qurylysy 2022 jyly aiaqtalmaq. Qazir oǵan 12 adam jumysqa tartylǵan. Joba iske iske qosylǵannan keiin 50 adam turaqty jumysqa alynady.
Jelden energiia óndiretin 24 qondyrǵy ornatylady. Onyń árqaisysy qýaty 2 MVt bolatyn qýat óndiredi. Jel týrbinalarynyń biiktigi –106, ebelek (vint) uzyndyǵy – 43 metr.
«Energiia resýrstaryn únemdeý jolynda aýdanda birqatar jumys júrgizilip jatyr. Al, bul joba balamaly energiia kózderin óndiretin bolady. Mamandar osy jobany bastamas buryn arnaiy taldaý jasap, tájiribeden ótkizdi. Jel elektr stansasy aýdandy elektr qýatymen tolyq qamtýǵa múmkindik beredi»,- deidi aýdan ákimi Shákir Keikin.
