Atyraý oblysynda jartylai jalańash er adam sýburqaqty syndyryp, mektep-internattyń aýlasyna kirgen, dep habarlaidy QazAqparat.
Atyraýda sońǵy eki-úsh kúnnen beri WhatsApp messendjeri arqyly qolyna kespeltek aǵash ustaǵan jartylai jalańash er adamnyń mektep-internattyń aýlasyna kirgeni týraly video tarady. Videoda balalar «Qarańdar, maniak!» dep alańdaýshylyq bildirgen.
«Bul video 10 jeltoqsanda Maqat aýdanyndaǵy Dossor kentinde túsirilgen. Sol kúni saǵat 15:10-da jartylai jalańash júrgen er adam áýeli Dossor kentindegi M.Ótemisuly kóshesinde ornalasqan sýburqaqty syndyrǵan. Sodan soń politsiia qyzmetkerlerinen qashyp, S.Sháripov atyndaǵy mektep-internattyń aýlasyna kirgen. Onyń qolynda kespeltek aǵash bolǵan. Politsiia qyzmetkerleri 36 jastaǵy er adamdy mektep-internattyń aýlasynan ustady», - dep málim etti oblystyq politsiia departamentiniń baspasóz qyzmetinen.
Politsiia qyzmetkerleri adamnyń psihikalyq aýytqýshylyǵy bar II toptaǵy múgedek ekenin, arnaiy esepte turatynyn anyqtady.
