Atyraý oblysynda jappai tártipsizdikke qatysqan 497 adam ustaldy, dep habarlaidy QazAqparat.
Atyraý oblysynyń komendanty – oblystyq politsiia departamentiniń bastyǵy Qamza Úmbetqalievtiń aitýynsha, jappai tártipsizdik kezinde buzaqy toptar tarapynan
politsiia qyzmetkerleri men áskerilerge qarsy kúsh qoldanylyp, qorǵanys quraldaryn tartyp alý derekteri tirkelgen.
«Tótenshe jaǵdai kezinde júrgizilgen jedel is-sharalar nátijesinde blok beketterden 10-nan astam ańshy pyshaǵy, Atyraý qalasynyń aýmaǵynda 5 adamnan 896 tabletka túrindegi, 236 ampýla túrindegi, 150 tútikke salynǵan ýyttylyq áseri joǵary psihotroptyq dáriler men 2 tapansha tárkilendi. Jappai tártipsizdikke qatysqan 497 adam anyqtalyp, ishki ister organdaryna jetkizildi. Ustalǵan kúdiktilerge qatysty tergeý amaldary júrgizilýde.
Sondai-aq, aimaqta antiterrorlyq operatsiia jalǵasyp jatyr. Soǵan qaramastan túngi saǵat 23:00-den tańǵy saǵat 7:00-ge deiin komendanttyq saǵat talaptaryn buzǵan 137 derek tirkeldi. Osyǵan bailanysty ákimshilik is qozǵalyp, jaýapkershilikke tartyldy», -deidi Atyraý oblysynyń komendanty Qamza Úmbetqaliev.
Oblys komendanty tótenshe jaǵdaiǵa bailanysty tártip saqshylary men ózge de jaýapty mamandardyń jumysyna túsinistikpen qaraýǵa, terrorizmge qarsy operatsiialar kezindegi shekteýlerge sabyrlyq tanytyp, saqtyq sharalaryn saqtaýǵa shaqyrdy.
