اتىراۋ وبلىسىندا جاپپاي تەرتٸپسٸزدٸككە قاتىسقان 497 ادام ۇستالدى, دەپ حابارلايدى قازاقپارات.
اتىراۋ وبلىسىنىڭ كومەندانتى – وبلىستىق پوليتسييا دەپارتامەنتٸنٸڭ باستىعى قامزا ٷمبەتقاليەۆتٸڭ ايتۋىنشا, جاپپاي تەرتٸپسٸزدٸك كەزٸندە بۇزاقى توپتار تاراپىنان
پوليتسييا قىزمەتكەرلەرٸ مەن ەسكەريلەرگە قارسى كٷش قولدانىلىپ, قورعانىس قۇرالدارىن تارتىپ الۋ دەرەكتەرٸ تٸركەلگەن.
«تٶتەنشە جاعداي كەزٸندە جٷرگٸزٸلگەن جەدەل ٸس-شارالار نەتيجەسٸندە بلوك بەكەتتەردەن 10-نان استام اڭشى پىشاعى, اتىراۋ قالاسىنىڭ اۋماعىندا 5 ادامنان 896 تابلەتكا تٷرٸندەگٸ, 236 امپۋلا تٷرٸندەگٸ, 150 تٷتٸككە سالىنعان ۋىتتىلىق ەسەرٸ جوعارى پسيحوتروپتىق دەرٸلەر مەن 2 تاپانشا تەركٸلەندٸ. جاپپاي تەرتٸپسٸزدٸككە قاتىسقان 497 ادام انىقتالىپ, ٸشكٸ ٸستەر ورگاندارىنا جەتكٸزٸلدٸ. ۇستالعان كٷدٸكتٸلەرگە قاتىستى تەرگەۋ امالدارى جٷرگٸزٸلۋدە.
سونداي-اق, ايماقتا انتيتەررورلىق وپەراتسييا جالعاسىپ جاتىر. سوعان قاراماستان تٷنگٸ ساعات 23:00-دەن تاڭعى ساعات 7:00-گە دەيٸن كومەندانتتىق ساعات تالاپتارىن بۇزعان 137 دەرەك تٸركەلدٸ. وسىعان بايلانىستى ەكٸمشٸلٸك ٸس قوزعالىپ, جاۋاپكەرشٸلٸككە تارتىلدى», -دەيدٸ اتىراۋ وبلىسىنىڭ كومەندانتى قامزا ٷمبەتقاليەۆ.
وبلىس كومەندانتى تٶتەنشە جاعدايعا بايلانىستى تەرتٸپ ساقشىلارى مەن ٶزگە دە جاۋاپتى مامانداردىڭ جۇمىسىنا تٷسٸنٸستٸكپەن قاراۋعا, تەرروريزمگە قارسى وپەراتسييالار كەزٸندەگٸ شەكتەۋلەرگە سابىرلىق تانىتىپ, ساقتىق شارالارىن ساقتاۋعا شاقىردى.
