Atyraý oblysynda janarmai tasymaldaityn kólik órtendi, dep habarlaidy QazAqparat.
Oblystyq tótenshe jaǵdailar departamentiniń baspasóz qyzmeti taratqan aqparatqa qaraǵanda, kólik órti keshe, 20 qyrkúiekte saǵat 18:42 shamasynda bolǵan.
«Departamenttiń dispetcherlik pýltine «Atyraý-Inder» tas jolyndaǵy Besikti aýylynyń tusynda janar-jaǵarmai tasymaldaityn kólik órtenip jatqany týraly habar tústi. Oqiǵa ornyna jedel jetken órt sóndirýshiler syiymdylyǵy 23 tonnalyq júk kóliginiń kabinasy tolyq órtengenin anyqtady. Jalyn saǵat 19:09-da oqshaýlanyp, saǵat 19:13-te sóndirildi. Órtti sóndirýge arnaýly qyzmettiń 8 qyzmetkeri men 2 kóligi jumyldyryldy. Kóliktiń órtenýine elektr júiesiniń qysqasha tuiyqtalýy sebep bolǵan» - dep habarlady departamenttiń baspasóz qyzmeti.
