اتىراۋ وبلىسىندا جانارماي تاسىمالدايتىن كٶلٸك ٶرتەندٸ, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ تاراتقان اقپاراتقا قاراعاندا, كٶلٸك ٶرتٸ كەشە, 20 قىركٷيەكتە ساعات 18:42 شاماسىندا بولعان.
«دەپارتامەنتتٸڭ ديسپەتچەرلٸك پۋلتٸنە «اتىراۋ-يندەر» تاس جولىنداعى بەسٸكتٸ اۋىلىنىڭ تۇسىندا جانار-جاعارماي تاسىمالدايتىن كٶلٸك ٶرتەنٸپ جاتقانى تۋرالى حابار تٷستٸ. وقيعا ورنىنا جەدەل جەتكەن ٶرت سٶندٸرۋشٸلەر سىيىمدىلىعى 23 توننالىق جٷك كٶلٸگٸنٸڭ كابيناسى تولىق ٶرتەنگەنٸن انىقتادى. جالىن ساعات 19:09-دا وقشاۋلانىپ, ساعات 19:13-تە سٶندٸرٸلدٸ. ٶرتتٸ سٶندٸرۋگە ارناۋلى قىزمەتتٸڭ 8 قىزمەتكەرٸ مەن 2 كٶلٸگٸ جۇمىلدىرىلدى. كٶلٸكتٸڭ ٶرتەنۋٸنە ەلەكتر جٷيەسٸنٸڭ قىسقاشا تۇيىقتالۋى سەبەپ بولعان» - دەپ حابارلادى دەپارتامەنتتٸڭ باسپاسٶز قىزمەتٸ.
