Atyraý oblysynda kesheden beri izdestirý jumystary júrgizilip, sýǵa ketken 9 jasar balanyń denesi tabyldy, dep habarlaidy "Ult aqparat".
Atyraý oblysy Tótenshe jaǵdailar departamentiniń baspasóz qyzmetinen málim etkendei, 26 sáýir kúni sýǵa batyp ketken 9 jasar balany izdestirý jumystary búgin tańerteń qaita jalǵasty.
Qaiǵyly oqiǵa Jylyoi aýdanyndaǵy Qulsary qalasynyń janyndaǵy Qursai kanalynda boldy.
Qutqarýshylar, týǵan-týystar, eriktiler izdestirý jumystaryn túni boiy júrgizdi. Búgin tańerteń súńgýirler izdeýdi qaita bastady. Sýǵa batqan bala alǵashqy súńgý kezinde-aq saǵat 06 saǵat 35 minýtta tabyldy. Denesi saraptama júrgizý úshin quqyqqorǵaý organdarynyń qyzmetkerlerine berildi.
