Atyraý oblysynda shikizattyq emes ónimder eksportynyń kólemi artady, dep habarlaidy "Ult aqparat".
Oblystyq ekonomika jáne biýdjettik josparlaý basqarmasynyń basshysy Azamat Sálimbaevtyń málimetinshe, shikizattyq emes ónimder eksporty kólemin 130 paiyzǵa jetkizý josparlanyp otyr.
«Osy baǵyttaǵy josparly kórsetkishterge qol jetkizý úshin jergilikti qamtý úlesin arttyrý, ásirese jeńil ónerkásip pen qurylys materialdary óndirisin damytý boiynsha jol kartasy sheńberinde iske asady. Bul baǵytta memlekettik qoldaý sharalaryn kórsetý kózdelip otyr» - dedi basqarma basshysy Azamat Sálimbaev.
Onyń aitýynsha, shikizattyq emes ónimder eksporty kóleminiń 80%-ǵa jýyǵyn «Atyraý munai óńdeý zaýyty» JShS-niń ónimderi quraidy. Atalǵan kásiporyn eksportqa benzin, aviakerosin, mazýt sekildi shikizattyq emes ónimder shyǵarady. Al 13,8%-yn polipropilen, polietilen óndiristeri boiynsha himiia ónerkásibi, 1,4%-yn qyzmetter kórsetý baǵytyndaǵy munai-gaz mashinalaryn jasaý, 0,7%-yn qurylys materialdary men 0,4%-yn tamaq ónerkásibi salalary qurap otyr.
Eske sala ketelik, budan buryn Atyraý oblysynda eksport kólemi 758 mln dollarǵa jetkenin habarlap edik.
