Roman Skliar jáne Atyraý oblysynyń ákimi Mahambet Dosmuhambetov Qurmanǵazy aýdanyna bardy. Munda vitse–premer respýblikalyq mańyzy bar «Aqtóbe ‒ Atyraý ‒ RF shekarasy» avtojoly qurylysynyń barysyn tekserdi, dep habarlaidy "Ult aqparat" primeminister.kz-ke silteme jasap.
Premer-Ministrdiń orynbasary Roman Skliar Atyraý oblysyna jumys sapary aiasynda «Nurly jol» baǵdarlamasynyń infraqurylymdyq jobalaryn júzege asyrý barysymen tanysyp, «Aqtóbe ‒ Atyraý ‒ RF shekarasy» avtomobil jolynyń qaita qurý ýchaskesine bardy.
Olardyń árqaisysynda merdigerlik uiymdardyń basshylary turaqty jumys barysyn qamtamasyz etý jónindegi sharalar men aldaǵy kezeńge arnalǵan jumys jospary týraly baiandady.
Joldyń jalpy uzyndyǵy 893 shaqyrym. Onyń ishinde 545 shaqyrym jol Atyraý oblysynyń aýmaǵynan ótedi. «Nurly jol» memlekettik baǵdarlamasy aiasynda 432 km qaita jańartylady (330-598 km Atyraý ‒ Aqtóbe, 616-893 km Atyraý ‒ Astrahan RF). Jol qurylysy jumystary eki baǵytta júrgizilýde.
Vitse-premer nysandy tekserýdi qorytyndylai kele, qurylysty ýaqytyly ári sapaly aiaqtaý boiynsha mindetter júktedi.
