رومان سكليار جەنە اتىراۋ وبلىسىنىڭ ەكٸمٸ ماحامبەت دوسمۇحامبەتوۆ قۇرمانعازى اۋدانىنا باردى. مۇندا ۆيتسە–پرەمەر رەسپۋبليكالىق ماڭىزى بار «اقتٶبە ‒ اتىراۋ ‒ رف شەكاراسى» اۆتوجولى قۇرىلىسىنىڭ بارىسىن تەكسەردٸ, دەپ حابارلايدى "ۇلت اقپارات" primeminister.kz-كە سٸلتەمە جاساپ.
پرەمەر-مينيستردٸڭ ورىنباسارى رومان سكليار اتىراۋ وبلىسىنا جۇمىس ساپارى اياسىندا «نۇرلى جول» باعدارلاماسىنىڭ ينفراقۇرىلىمدىق جوبالارىن جٷزەگە اسىرۋ بارىسىمەن تانىسىپ, «اقتٶبە ‒ اتىراۋ ‒ رف شەكاراسى» اۆتوموبيل جولىنىڭ قايتا قۇرۋ ۋچاسكەسٸنە باردى.
ولاردىڭ ەرقايسىسىندا مەردٸگەرلٸك ۇيىمداردىڭ باسشىلارى تۇراقتى جۇمىس بارىسىن قامتاماسىز ەتۋ جٶنٸندەگٸ شارالار مەن الداعى كەزەڭگە ارنالعان جۇمىس جوسپارى تۋرالى باياندادى.
جولدىڭ جالپى ۇزىندىعى 893 شاقىرىم. ونىڭ ٸشٸندە 545 شاقىرىم جول اتىراۋ وبلىسىنىڭ اۋماعىنان ٶتەدٸ. «نۇرلى جول» مەملەكەتتٸك باعدارلاماسى اياسىندا 432 كم قايتا جاڭارتىلادى (330-598 كم اتىراۋ ‒ اقتٶبە, 616-893 كم اتىراۋ ‒ استراحان رف). جول قۇرىلىسى جۇمىستارى ەكٸ باعىتتا جٷرگٸزٸلۋدە.
ۆيتسە-پرەمەر نىساندى تەكسەرۋدٸ قورىتىندىلاي كەلە, قۇرىلىستى ۋاقىتىلى ەرٸ ساپالى اياقتاۋ بويىنشا مٸندەتتەر جٷكتەدٸ.
