Astanada "QazMunaiGaz" UK" AQ basqarma tóraǵasy Ashat Hasenov "SIBÝR" jaýapkershiligi shekteýli seriktestiginiń basqarma tóraǵasy – bas direktory Mihail Karisalovpen kezdesti, dep habarlaidy QMG baspasóz qyzmeti.
Taraptar "Silleno" jobasy – Atyraý oblysynda qýattylyǵy 1,25 million tonna polietilen óndiretin birinshi integratsiialanǵan gaz-himiia kesheniniń qurylysyn talqylady.
QMG halyqaralyq seriktesterdiń qatysýymen Qazaqstandaǵy munai-himiia klasterin belsendi damytyp jatyr. Polietilen shyǵaratyn zaýyttyń qurylysy elimizdegi osy salany damytýdyń kelesi kezeńi bolmaq.
Kásiporyn Qarabatan arnaiy ekonomikalyq aimaǵynyń aýmaǵynda Teńiz ken ornyna jaqyn jerde (Atyraý oblysy) salynady. Joba qatysýshylary – "QazMunaiGaz" (40%), SIBÝR (30%) jáne Sinopec (30%).
Jalpy, qurylys kezeńinde 8 myńǵa jýyq, al zaýytty paidalaný kezinde taǵy 800-ge jýyq jańa jumys ornyn ashý josparlanýda.
2023 jyldyń 17 qazanynda Beijińde Qazaqstan prezidentiniń qatysýymen QMG, SIBÝR jáne Sinopec arasynda polietilen óndirý jobasyndaǵy úlesti satý-satyp alý týraly kelisimge qol qoiylǵany týraly buryn habarlanǵan bolatyn.
"QazMunaiGaz" Ulttyq kompaniiasy" AQ, Qazaqstandaǵy jetekshi tiginen integratsiialanǵan munai-gaz kompaniiasy, búkil óndiristik kezeńdegi aktivterdi basqarady.
"Silleno" JShS Atyraý oblysyndaǵy birinshi integratsiialanǵan gaz-himiia keshenin salý jobasynyń Ekinshi kezeńiniń operatory bolyp tabylady ("Polietilen" jobasy).
Sinopec - tiginen integratsiialanǵan energetika jáne munai-himiia korporatsiiasy jáne álemdegi ekinshi iri himiia kompaniiasy.
"SIBÝR Holding" JAQ (SIBÝR) – polimer jáne kaýchýk óndirisi salasyndaǵy reseilik munai-himiia holdingi.
