«Qyzyl» aimaqtaǵy óńirdiń biri – Atyraý oblysynda byltyrǵy naýryzdan beri koronavirýs infektsiiasyn juqtyrǵan naýqastar sany 15 myń adamnan asty, dep habarlaidy "Ult aqparat".
Oblystyq sanitarlyq-epidemiologiialyq baqylaý departamenti baspasóz qyzmetiniń málimetinshe, ótken jylǵy 28 naýryzdan biylǵy 17 qańtarǵa deiin koronavirýs infektsiiasynyń 15 030 jaǵdaiy tirkelgen.
Onyń ishinde 4186 jaǵdai - simptomdy, 10 844 jaǵdaiy - simptomsyz bolyp otyr.
«Osy kezeńde Atyraý qalasynda – 6339, Jylyoi aýdanynda – 6590, onyń ishinde Teńiz ken ornynda – 5352, Qulsary qalasynda 1238 naýqas tirkeldi. Al, Inder aýdanynda – 404, Isataida – 262, Qyzylqoǵada – 485, Qurmanǵazyda-382, Maqatta – 310, Mahambet aýdanynda 258 adam qaýipti virýsqa shaldyqty» dep habarlady departamenttiń baspasóz qyzmeti.
Al ótken táýlikte 78 adam qaýipti virýsty juqtyrǵan. Teńiz kenishinde 72 jumysshy, Atyraý qalasynda – 1, Jylyoi aýdanyndaǵy Qulsary qalasynda 5 naýqas anyqtalǵan.
«Naýqastardyń jeteýi densaýlyq jaǵdaiyna bailanysty meditsinalyq kómekke júgingen. Skrining kezinde 47 adamnan COVID-19 anyqtalǵan. Infektsiia juqtyrǵan naýqastarmen 24 patsient qarym-qatynasta bolǵan» dedi baspasóz qyzmetinen.
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte koronavirýs infektsiiasynan 135 adam emdelip shyqqan.
«Sońǵy málimetke sáikes, qazir 248 adam úi jaǵdaiynda emdelip jatyr. Oblystyq infektsiialyq statsionarda 97, aýdandardaǵy statsionarlarda 34, Teńiz kenishindegi statsionarda 732 adam em qabyldaýǵa jatqyzyldy» dep aqparat taratty basqarmanyń baspasóz qyzmeti.
Eske sala ketelik, budan buryn Atyraý oblysynda 71 adamnan koronavirýs anyqtalǵan edi.
