QR Qarjy ministrliginiń Qarjy monitoringi komitetiniń Atyraý oblysy boiynsha Ekonomikalyq tergeý departamentiniń qyzmetkerleri Atyraý qalasynda eki kásiporynnyń direktoryna qatysty QR QK 189-baby 4-bólimi 2-tarmaǵy boiynsha qylmystyq isti tergeýdi aiaqtady.
Komitettiń baspasóz qyzmeti taratqan aqparatqa qaraǵanda, kompaniialardyń basshysy qyzmet babyn paidalana otyryp, «Densaýlyq» - «Tegin meditsinalyq qyzmet kórsetý» memlekettik baǵdarlamasy aiasynda «Atyraý oblysy boiynsha áleýmettik meditsinalyq saqtandyrý qory» KEAQ-na biýdjetten bólingen 16,8 mln. teńgeden astam qarajatyn jymqyrǵan.
Keltirilen zalal Atyraý oblysynyń Sot saraptamasy institýtynyń qorytyndysymen rastaldy. Keltirilgen zalaldyń sommasy ótelmegendikten, kúdikti tulǵanyń múlkine toqtam salyndy.
«2020 jyldyń 4 jeltoqsanynda Atyraý qalasy №2 sotynyń úkimimen atalǵan azamatsha kináli dep tanylyp, oǵan qatysty 7 jyl 6 ai merzimge bas bostandyǵynan aiyrý, meditsinalyq mekemeler men densaýlyq saqtaý uiymdarynda basshylyq laýazymdardy atqarý quqyǵynan 5 jyl merzimge aiyrý jazasy taǵaiyndaldy»,-delingen habarlamada.
