Atyraýda balalar koronavirýs juqpasyn jeńil túrde ótkizdi, dep habarlaidy "Ult aqparat" oblystyq densaýlyq saqtaý basqarmasynyń baspasóz qyzmetine silteme jasap.
Pandemiia kezinde Atyraý oblystyq balalar aýrýhanasynda josparly em alǵandar ishinen alpysqa jýyq baladan koronovirýs anyqtalǵan.
«Koronovirýs infektsiiasy anyqtalǵan alpysqa jýyq balanyń 18-inde covid-19 simptomy bolǵan. Onyń 13-i der kezinde Atyraý oblystyq juqpaly aýrýlar aýrýhanasyna aýystyryldy. Bes bala virýspen qosa týabitti jáne sozylmaly aýrýy bolǵandyqtan balalar aýrýhanasynda emdeldi» dep málim etti basqarmadan.
Qalǵan qyryqtan astam balada koronovirýstyń simptomsyz túri bolǵandyqtan, olardy jergilikti emhana dárigerleri baqylaýda ustady.
Qazirgi ýaqytta balalardyń deni saý, synama nátijesi «teris» kórsetip otyr.
«Qazir koronovirýs juqpasymen em alyp jatqan bala joq» deidi Atyraý oblystyq balalar aýrýhanasynyń dárigeri Aigúl Súndetova.
