Atyraý oblysynda eki kólik soqtyǵysyp, jol apatynan 5 adam qaza tapty, dep habarlaidy QazAqparat.
Jol-kólik apaty búgin, 14 qańtar kúni saǵat 11:30 shamasynda bolǵan.
«Jylyoi aýdanynyń ortalyǵy – Qulsary qalasynan Mańǵystaý oblysyndaǵy Beineý aýdanyna qatynaityn tas joldyń 15 shaqyrymynda eki kólik soqtyǵysty. Onyń biri – Armeniia Respýblikasynda tirkelgen «Honda Odessey», al, ekinshisi – Resei Federatsiiasynda tirkeýde turǵan «VAZ – 2115» avtokóligi. Jol-kólik oqiǵasynyń saldarynan «VAZ – 2115» avtokóliginiń 1996 jylǵy júrgizýshisi men 3 jolaýshysy oqiǵa ornynda mert boldy. Al, ekinshi kóliktiń júrgizýshisi men jolaýshysy Jylyoi aýdanynyń ortalyq aýrýhanasyna jetkizildi. Jol apatynan jaraqat alǵan jolaýshy aýrýhanada kóz jumdy», - dep habarlady oblystyq politsiia departamentiniń baspasóz qyzmeti.
Qazir atalǵan jol-kólik oqiǵasyna qatysty tergeý amaldary bastaldy.
