اتىراۋ وبلىسىندا ەكٸ كٶلٸك سوقتىعىسىپ, جول اپاتىنان 5 ادام قازا تاپتى, دەپ حابارلايدى قازاقپارات.
جول-كٶلٸك اپاتى بٷگٸن, 14 قاڭتار كٷنٸ ساعات 11:30 شاماسىندا بولعان.
«جىلىوي اۋدانىنىڭ ورتالىعى – قۇلسارى قالاسىنان ماڭعىستاۋ وبلىسىنداعى بەينەۋ اۋدانىنا قاتىنايتىن تاس جولدىڭ 15 شاقىرىمىندا ەكٸ كٶلٸك سوقتىعىستى. ونىڭ بٸرٸ – ارمەنييا رەسپۋبليكاسىندا تٸركەلگەن «Honda Odessey», ال, ەكٸنشٸسٸ – رەسەي فەدەراتسيياسىندا تٸركەۋدە تۇرعان «ۆاز – 2115» اۆتوكٶلٸگٸ. جول-كٶلٸك وقيعاسىنىڭ سالدارىنان «ۆاز – 2115» اۆتوكٶلٸگٸنٸڭ 1996 جىلعى جٷرگٸزۋشٸسٸ مەن 3 جولاۋشىسى وقيعا ورنىندا مەرت بولدى. ال, ەكٸنشٸ كٶلٸكتٸڭ جٷرگٸزۋشٸسٸ مەن جولاۋشىسى جىلىوي اۋدانىنىڭ ورتالىق اۋرۋحاناسىنا جەتكٸزٸلدٸ. جول اپاتىنان جاراقات العان جولاۋشى اۋرۋحانادا كٶز جۇمدى», - دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
قازٸر اتالعان جول-كٶلٸك وقيعاسىنا قاتىستى تەرگەۋ امالدارى باستالدى.
