Atyraý oblysy boiynsha dini senimine bailanysty mektepke barmai otyrǵan oqýshylar sany búginde 53-ke deiin azaidy, - dep jazady atpress.kz saity.
Bul týraly Atyraý oblysy óńirlik kommýnikatsiialar qyzmetinde ótken baspasóz-konferentsiiasynda jergilikti bilim berý basqarmasynyń bólim basshysy Baijan Shamuratov málimdedi.
«Oqý jylynyń basynda mektepke hidjabpen kelgen oqýshylar sany 328 bolatyn. Ata-analarmen arada júrgizilgen túsinik jumystarynyń nátijesinde oqýshylar sany aitarlyqtai azaidy. Qazir mektep formasyn qabyldaýdan bas tartyp otyrǵan oqýshylar sany – 53. Onyń ishinde 32 oqýshy - Atyraý qalasy, 20 oqýshy - Jylyoi jáne bir oqýshy Qyzylqoǵa aýdany boiynsha tirkelip otyr. Memleket - dinge qarsy emes. Biraq, zań barlyǵyna ortaq. Mektep formasy báribir saqtalýy tiis», - dep atap ótti spiker.
