Atyraý oblysynda PTR testiden 233 319 adam ótken. Bul týraly oblystyń bas memlekettik sanitar dárigeri Asylbek Sharov málim etti, dep habarlaidy "Ult aqparat".
«Oblys kóleminde COVID-19 infektsiiasyn anyqtaý úshin 233 319 PTR-test jasaldy. Sonyń nátijesinde 11 023 jaǵdai rastalyp otyr. Atyraý oblysy – test ótkizýden elimizdegi aldyńǵy oryndaǵy óńirlerdiń biri. Sondyqtan statistikaǵa súiener bolsaq, oblystyń árbir úshinshi turǵyny test tapsyrǵan deýge bolady. Biraq, jumys barysymen bizdiń óńirde júrgen ózge óńir azamattary da bar. Alaida olar bizdiń oblystyń statistikasyna endi», - deidi Atyraý oblystyq taýarlar men qyzmetterdiń sapasy men qaýipsizdigin baqylaý departamentiniń basshysy-bas memlekettik sanitar dáriger Asylbek Sharov.
Onyń aitýynsha, Atyraý oblysynda PTR ádisi arqyly zertteý júrgizetin 2 memlekettik, 4 jekemenshik zerthana, sondai-aq, Teńiz kenishinde eki zerthananyń filialdary jumys isteidi.
Qazir aimaqtaǵy PTR ádisimen COVID-19 testileý jasaityn zerthanalar qorynda 161 682 test synamasy bar. Taǵy 126 700 test synamasyn alý josparlanyp otyr.
