اتىراۋ وبلىسىندا پتر تەستٸدەن 233 319 ادام ٶتكەن. بۇل تۋرالى وبلىستىڭ باس مەملەكەتتٸك سانيتار دەرٸگەرٸ اسىلبەك شاروۆ مەلٸم ەتتٸ, دەپ حابارلايدى "ۇلت اقپارات".
«وبلىس كٶلەمٸندە COVID-19 ينفەكتسيياسىن انىقتاۋ ٷشٸن 233 319 پتر-تەست جاسالدى. سونىڭ نەتيجەسٸندە 11 023 جاعداي راستالىپ وتىر. اتىراۋ وبلىسى – تەست ٶتكٸزۋدەن ەلٸمٸزدەگٸ الدىڭعى ورىنداعى ٶڭٸرلەردٸڭ بٸرٸ. سوندىقتان ستاتيستيكاعا سٷيەنەر بولساق, وبلىستىڭ ەربٸر ٷشٸنشٸ تۇرعىنى تەست تاپسىرعان دەۋگە بولادى. بٸراق, جۇمىس بارىسىمەن بٸزدٸڭ ٶڭٸردە جٷرگەن ٶزگە ٶڭٸر ازاماتتارى دا بار. الايدا ولار بٸزدٸڭ وبلىستىڭ ستاتيستيكاسىنا ەندٸ», - دەيدٸ اتىراۋ وبلىستىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى-باس مەملەكەتتٸك سانيتار دەرٸگەر اسىلبەك شاروۆ.
ونىڭ ايتۋىنشا, اتىراۋ وبلىسىندا پتر ەدٸسٸ ارقىلى زەرتتەۋ جٷرگٸزەتٸن 2 مەملەكەتتٸك, 4 جەكەمەنشٸك زەرتحانا, سونداي-اق, تەڭٸز كەنٸشٸندە ەكٸ زەرتحانانىڭ فيليالدارى جۇمىس ٸستەيدٸ.
قازٸر ايماقتاعى پتر ەدٸسٸمەن COVID-19 تەستٸلەۋ جاسايتىن زەرتحانالار قورىندا 161 682 تەست سىناماسى بار. تاعى 126 700 تەست سىناماسىن الۋ جوسپارلانىپ وتىر.
