Qazaqstan Respýblikasy Ulttyq qaýipsizdik komitetiniń Atyraý oblysy boiynsha departamenti qylmystyq toptyń áreketine toqsaýyl boldy, - dep habarlaidy "Ult aqparat" QR UQK baspasóz qyzmetine silteme jasap.
"31 qańtarda Ulttyq qaýipsizdik komitetiniń Atyraý oblysy boiynsha departamentiniń qyzmetkerleri Atyraý-Astrahan, Atyraý-Oral, Atyraý-Beineý halyqaralyq jáne qalaaralyq baǵyttaǵy tasymaldaýshylardan júieli túrde eki jyl ýaqyt boiy bopsalaý arqyly aqsha alyp júrgen topty ustady. Osy baǵyttar boiynsha shamamen 200 kólik júrgen. Ai saiyn júrgizýshilerden 5 000 - 25 000 teńge kóleminde aqsha alyp otyrǵan", - dep habarlady UQK baspasóz qyzmeti.
Sondai-aq, ustalǵandardyń destrýktiv baǵyttaǵy beidástúrli salafizm dini aǵymyn ustanatyny aitylady. Qylmystyq quqyqbuzýshylyq QR Qylmystyq kodeksiniń 194-babynyń 2-bóligi 2-tarmaqtary boiynsha sotqa deiingi biryńǵai tergeý reestrine tirkeldi.
Alty adamǵa qatysty qamaýǵa alý túrindegi bultartpaý sharasy tańdaldy.
