Foto: © iStock
Atyraý oblysynyń politseileri daladan tabylǵan kiik ólekseleri boiynsha isin tergep jatyr, - dep habarlaidy Tengrinews.kz saity.
Atyraý oblystyq máslihatynyń depýtaty Baqyt Qametov áleýmettik jelide 26 qańtarda Mahambet aýdany Tańdai aýyldyq okrýgine qarasty Qalmaqty aýyly mańynan jergilikti turǵyndar múiizi joq, ishki aǵzalary alynǵan 38 bas kiiktiń óleksesin tapqanyn habarlady.
Ekologiia ministrliginiń Orman sharýashylyǵy jáne janýarlar dúniesi komiteti bul fakti boiynsha materialdar Qylmystyq kodekstiń 339-babynyń 2-bóligi "Ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý" boiynsha Mahambet aýdandyq politsiia bóliminde tirkelgenin habarlady. Tergeý amaldary júrgizilip jatyr.
Komitet málimetinshe, Atyraý oblysynyń aýmaǵynda kiik sanyn retteý sharalary kiikterdi jáne onyń derivattaryn retteý mehanizmi boiynsha bekitilgen algoritmge sáikes, 2024 jylǵy 16 qańtarda bastalǵan.
Kiikterdiń sanyn retteý "Ohotzooprom" ÓB" RMQK inspektorlarynyń tikelei qatysýymen júzege asyrylady.
"Bekitilgen algoritmge sáikes retteý nátijesinde alynǵan kiik ushalary mindetti túrde asqazan-ishek jolyn alyp tastap, ishki músheleri, basy jáne terisimen veterinarlyq baqylaý úshin et kombinattaryna jiberiledi, mal dárigerleri ushalardy qarap baiqaǵan soń veterinariialyq anyqtama beredi. Kiik múiizderi belgilengen talaptardy saqtai otyryp, "Ohotzooprom" ÓB" RMQK derivattarǵa esep júrgizetin jaýapty qyzmetkeriniń jáne aýmaqtyq orman sharýashylyǵy jəne janýarlar dúniesi inspektsiialarynyń memlekettik inspektorlarynyń baqylaýymen bólinedi jáne keiinnen "Ohotzooprom" ÓB" RMQK saqtaýǵa jiberý úshin mindetti túrde tańbalaýǵa jatady", - delingen habarlamada.
