Atyraý oblysynda Kaspii teńizindegi sý deńgeiiniń kóterilýine bailanysty 10-ǵa jýyq kólik sý astynda qaldy. Bul týraly TJM resmi ókili Rýslan Imanqulov málimdedi, - dep habarlaidy Massaget.kz.
Oqyrmandar kólikterdi sý basyp jatqan videony bólisti.
TJM resmi ókiliniń sózinshe, oqiǵa 3 qazanda Atyraý oblysyndaǵy Isatai aýylynan 40 shaqyrym jerde bolǵan.
"Ekpindi jel saldarynan ("Qazgidromet" RMK derekteri boiynsha sekýndyna 23 metrge deiin) sý deńgeii kóterildi, saldarynan 10-ǵa jýyq kólik (ieleri - balyqshylar, ańshylar) ishinara sý astynda qaldy, saǵat 20.00-degi jaǵdai boiynsha sý deńgeii basyldy, avtomobil ieleri ýchaskeden ketip qaldy", - dedi Imanqulov tilshige.
Aita keteiik, TJ departamenti qarsańynda oblystyń batysy men ońtústiginde shańdy daýyl kútiletini týraly aýa raiyna bailanysty eskertý jariialaǵan bolatyn.
"Zardap shekkender týraly aqparat túsken joq. Tótenshe jaǵdailar ministrligi turǵyndardan aýa raiyna bailanysty eskertýlerge nazar aýdarýdy, qutqarýshylardyń usynystaryn basshylyqqa alýdy jáne kólik quraldaryn sý qoimalaryna jaqyn qaldyrmaýdy suraidy", - dedi TJM ókili Rýslan Imanqulov.
video: Tengrinews.kz
