Atyraý oblysynda jatyr moiny obyryna shaldyqqan 560 áiel esepte tur. Byltyr atalǵan aýrýdyń saldarynan 24 áiel qaitys bolǵan, dep habarlaidy Kazinform.
Atyraý oblystyq onkologiia dispanseriniń onko-ginekology Jadyra Qudabaevanyń aitýynsha, biyl 6 aida jatyr moiny syrqatyna 56 áiel shaldyqqan.
«Jatyr moiny obyrynan saqtanýdyń negizgi joly – adam papilloma virýsyna qarsy ekpe alý. Dúniejúzilik ǵalymdardyń zertteýine súiensek, qaterli isikti týdyrýshy virýs adam pappilomasy ekeni dáleldengen. Osyǵan bailanysty Atyraý oblysynda 2012-2013 jyldary bul ekpe pilottyq joba retinde iske asyryldy. Sol kezde ekpe alǵan azamatshalardan atalǵan aýrýdyń belgileri anyqtalmady. Sondyqtan biyl vaktsinany qaita egý josparǵa engizildi. Ekpe salý oqýshy qyzdarǵa ata-anasynyń ruqsatymen ǵana júrgiziledi», - dep habarlady Jadyra Qudabaeva.
Eske sala ketelik, buǵan deiin Atyraý oblysynda 7 aida 72 adamnan qaterli ókpe obyry tabylǵan.
