QR Ishki ister ministrligi Atyraý oblystyq ishki ister departamentiniń bastyǵy A.Dúisembaevtyń qatysy bar videoǵa túsinikteme berdi, dep habarlaidy QazAqparat tilshisi.
QR IIM resmi ókili Almas Sadýbaevtyń aitýynsha, videodaǵy oqiǵa 2014 jyldyń qazan aiynda bolǵan.
«Sol ýaqytta Atyraý oblystyq IID bastyǵynyń birinshi orynbasary laýazymynda bolǵan Dúisembaev dosymen, otbasylarymen birge Minsk qalasynda bolǵan. Dosy óziniń tanysynyń shaqyrýymen oiynhanalardyń birine barǵan. Alaida, jubaiy qarsylyq tanytyp, joldasyn qumar oiynnan bas tartqyzý úshin oiynhanaǵa Dúisembaevty shaqyrǵan jáne osy jait sońǵysynyń atalǵan jerde barýyna sebep bolǵan», - dedi ol.
Resmi ókildiń sózine qaraǵanda, Dúisembaev qumar oiyn oinamaǵan. Oǵan 2014 jyldyń qazanynda arnaiy júrgizilgen tekserý sharalary dálel bola alady.
Aita keteiik, sońǵy ýaqytta taralǵan video materialda Dúisembaevtyń oiynhanada qomaqty qarjydan utylǵandyǵy aitylady.
