Atyraý turǵyndary túnde shyǵatyn múńkigen iiske shaǵymdanady. Ekologtar munyń sebebi munai óńdeý zaýyty bolýy múmkin deidi, - dep habarlaidy Tengrinews.kz tilshisi "Aq Jaiyq" basylymyna silteme jasap.
Qala turǵyndarynyń aitýynsha, jaǵymsyz iisterden álsizdik, júrek ainý, bas aýyrýy jii paida bolady. Oblystyq ekologiia departamenti munai óńdeý zaýytyn tekserýge kiristi.
"Bul - munai ónimderiniń iisi. Biz Atyraý munai óńdeý zaýytyn jospardan tys tekserýdi bastadyq, qyzmetkerlerimiz qazir zaýytta. Sonymen qatar, zerthana jeldiń baǵyty boiynsha atmosferadaǵy aýany baqylaidy. Jel qazir ońtústik-batys, iaǵni zaýyt jaqtan soǵyp tur", - dep túsindirdi Atyraý oblysy ekologiia departamentiniń basshysy Álibek Bemuhametov.
Tekserýdiń tiimdi bolatyny áli belgisiz, óitkeni iistiń naqty sebebi anyqtalmaǵan. Kásiporyndarda kóp tekseris júrgizildi, biraq aýanyń lastaný sebebi áli anyqtalǵan joq.
Eske salaiyq, bir ai buryn departament Atyraý munai óńdeý zaýytynda profilaktika baqylaýyn júrgizip, jalpy somasy 5 million teńgeden asa zańbuzýshylyqtar úshin aiyppul salǵan bolatyn.
