اتىراۋ تۇرعىندارى تٷندە شىعاتىن مٷڭكٸگەن يٸسكە شاعىمدانادى. ەكولوگتار مۇنىڭ سەبەبٸ مۇناي ٶڭدەۋ زاۋىتى بولۋى مٷمكٸن دەيدٸ, - دەپ حابارلايدى Tengrinews.kz تٸلشٸسٸ "اق جايىق" باسىلىمىنا سٸلتەمە جاساپ.
قالا تۇرعىندارىنىڭ ايتۋىنشا, جاعىمسىز يٸستەردەن ەلسٸزدٸك, جٷرەك اينۋ, باس اۋىرۋى جيٸ پايدا بولادى. وبلىستىق ەكولوگييا دەپارتامەنتٸ مۇناي ٶڭدەۋ زاۋىتىن تەكسەرۋگە كٸرٸستٸ.
"بۇل - مۇناي ٶنٸمدەرٸنٸڭ يٸسٸ. بٸز اتىراۋ مۇناي ٶڭدەۋ زاۋىتىن جوسپاردان تىس تەكسەرۋدٸ باستادىق, قىزمەتكەرلەرٸمٸز قازٸر زاۋىتتا. سونىمەن قاتار, زەرتحانا جەلدٸڭ باعىتى بويىنشا اتموسفەراداعى اۋانى باقىلايدى. جەل قازٸر وڭتٷستٸك-باتىس, ياعني زاۋىت جاقتان سوعىپ تۇر", - دەپ تٷسٸندٸردٸ اتىراۋ وبلىسى ەكولوگييا دەپارتامەنتٸنٸڭ باسشىسى ەلٸبەك بەمۇحامەتوۆ.
تەكسەرۋدٸڭ تيٸمدٸ بولاتىنى ەلٸ بەلگٸسٸز, ٶيتكەنٸ يٸستٸڭ ناقتى سەبەبٸ انىقتالماعان. كەسٸپورىنداردا كٶپ تەكسەرٸس جٷرگٸزٸلدٸ, بٸراق اۋانىڭ لاستانۋ سەبەبٸ ەلٸ انىقتالعان جوق.
ەسكە سالايىق, بٸر اي بۇرىن دەپارتامەنت اتىراۋ مۇناي ٶڭدەۋ زاۋىتىندا پروفيلاكتيكا باقىلاۋىن جٷرگٸزٸپ, جالپى سوماسى 5 ميلليون تەڭگەدەن اسا زاڭبۇزۋشىلىقتار ٷشٸن ايىپپۇل سالعان بولاتىن.
