Atyraý munai óńdeý zaýyty ákimishilik jaýapkershilikke tartylýy múmkin, dep habarlaidy "Ult aqparat".
Atyraý oblysy boiynsha ekologiia departamenti basshysynyń orynbasary – memlekettik bas ekologiia inspektory Syrym Tilegenovtiń málimetinshe, biylǵy 1 qarashada Atyraý munai óńdeý zaýytynyń sarqyndy sýlar kanalyna biologiialyq shlamdar men munai ónimderin aǵyzyp jibergeni anyqtalǵan. Departament mamandary qoǵam belsendilerimen birge Atyraý qalasynyń ekologiialyq ahýalyna monitoring júrgizip, zaýyt tarapynan sarqyndy sý quramynda munai ónimderi men biologiialyq shlamnyń aǵyp jatqanyn tirkegen.
«Departamenttiń zerthanalyq-taldamaly baqylaý bólimi mamandary aǵyp jatqan sarqyndy sýdan synama aldy. Munai óńdeý zaýytyna jospardan tys tekseris júrgizildi. Synamaǵa alynǵan sý quramynda jobalyq qujattamada belgilengen emissiianyń normadan asý faktileri anyqtaldy. Atap aitqanda, temir jáne qurǵaq qaldyqtar 1,5 ese, sýlfat 2,5 ese, azot amonii 5 ese, munai ónimderi 6 ese jáne ólsheýli zattar 628 ese asý deregi anyqtaldy. Atalǵan jaittyń oryn alýy sarqyndy sýdy biologiialyq tazalaý qondyrǵysyndaǵy aýytqýmen bailanysty bolyp otyr. «AMÓZ» JShS QR Ákimshilik quqyqbuzýshylyq týraly Kodeksiniń 325, 328 jáne 331-babyn buzdy», - dedi Syrym Tilegenov.
Onyń aitýynsha, QR Ekologiialyq Kodeksiniń 130-baby, 2-tarmaǵynyń 6-tarmaqshasyna sáikes, tabiǵat paidalanýshy ekologiialyq zańnamany buzý faktileri týraly qorshaǵan ortany qorǵaý jónindegi ýákiletti organǵa úsh jumys kúni ishinde habarlaýǵa mindetti. Biraq, departamentke habarlama túspeýine bailanysty, «AMÓZ» JShS-ne QR Ákimshilik quqyq buzýshylyq týraly Kodekstiń 325-babyna sáikes ákimshilik is qozǵalǵan.
«QR Ekologiialyq Kodeksiniń 118-babyna sáikes, memlekettik ekologiialyq baqylaýdy júzege asyratyn laýazymdy tulǵalar ekologiialyq zańnama talaptary buzylǵan kezde qylmystyq jaza qoldanylatyn áreket belgileri bar faktiler boiynsha quqyq qorǵaý organdaryna habarlaýǵa mindetti. Osyǵan orai, tekseris materialdary jinaqtalyp, politsiia departamentine joldandy. Sol sebepten, QR Ákimshilik quqyqbuzýshylyq týraly Kodeksiniń 328, 331-baptarymen qarastyrylǵan ákimshilik ister qozǵalǵan joq. Politsiia departamentinen «AMÓZ» JShS-niń is-áreketinde qylmystyq jaza belgileri joq dep, materialdar qaitarylǵan jaǵdaida «AMÓZ» JShS ákimshilik jazaǵa tartylatyn bolady», - dedi departament basshysynyń orynbasary – memlekettik bas ekologiia inspektory Syrym Tilegenov.
