Atyraý qalasynyń mańynda balyqtyń qyrylý sebebi týraly aityldy, dep habarlaidy QazAqparat.
Búgin, 26 sáýirde Atyraý qalalyq ákimdigine qarasty Qaiyrshaqty aýyldyq okrýgindegi Bezymiannyi kólinde balyq qyrylǵan.
Atalǵan sý aidynyna arnai qurylǵan komissiia quramynda «Jaiyq-Kaspii» oblysaralyq basseindik balyq sharýashylyǵy inspektsiiasynyń inspektorlary jiberildi.
Inspektorlar balyqtyń álsiregen kúide qairańǵa shyǵyp qalǵanyn anyqtady.
«Balyqtyń qyrylýyna qairań jerge shyǵyp qalǵany sebep bolýy múmkin. Álsiregen balyqtardy qutqarý jumystary júrgizildi. Sońǵy bes kún boiy Bezymiannyi kóline sý kelip jatyr. Biraq, balyqtyń ólý deregi tirkelmedi. Ólgen balyqtardy sanitarlyq talapqa sai joiý qolǵa alyndy», -deidi inspektsiia basshysy Nurlybek Gaisin.
Oblystyq balyq sharýashylyǵy basqarmasynyń basshysy Artýr Sádibekulynyń málimetinshe, kóktemde balyqtar ýyldyryq shashý úshin qolaily óriske shyǵady.
Búgin qyrylǵan balyq kanal aýzyna kelip tirelip qalǵan. Qazir qarakóz balyǵynyń 65 keli óli shabaǵy jinalǵan.
«Qazir balyqtardyń ýyldyryq shashý ornyna erkin kirýi úshin Qaiyrshaqty okrýgi aýmaǵynan 800 metr kanal qazyldy. Kanaldyń tereńdigi – shamamen 1 metr. Mamandar ólgen balyqty jinap aldy. Ólgen balyq sanitarlyq talaptarǵa sáikes kómý jolymen joiylady. Tiri balyqtar súzilip, Jaiyq ózenine jiberiledi», -dedi Artýr Sádibekuly.
