اتىراۋ قالاسىنىڭ ماڭىندا بالىقتىڭ قىرىلۋ سەبەبٸ تۋرالى ايتىلدى, دەپ حابارلايدى قازاقپارات.
بٷگٸن, 26 سەۋٸردە اتىراۋ قالالىق ەكٸمدٸگٸنە قاراستى قايىرشاقتى اۋىلدىق وكرۋگٸندەگٸ بەزىمياننىي كٶلٸندە بالىق قىرىلعان.
اتالعان سۋ ايدىنىنا ارناي قۇرىلعان كوميسسييا قۇرامىندا «جايىق-كاسپيي» وبلىسارالىق باسسەيندٸك بالىق شارۋاشىلىعى ينسپەكتسيياسىنىڭ ينسپەكتورلارى جٸبەرٸلدٸ.
ينسپەكتورلار بالىقتىڭ ەلسٸرەگەن كٷيدە قايراڭعا شىعىپ قالعانىن انىقتادى.
«بالىقتىڭ قىرىلۋىنا قايراڭ جەرگە شىعىپ قالعانى سەبەپ بولۋى مٷمكٸن. ەلسٸرەگەن بالىقتاردى قۇتقارۋ جۇمىستارى جٷرگٸزٸلدٸ. سوڭعى بەس كٷن بويى بەزىمياننىي كٶلٸنە سۋ كەلٸپ جاتىر. بٸراق, بالىقتىڭ ٶلۋ دەرەگٸ تٸركەلمەدٸ. ٶلگەن بالىقتاردى سانيتارلىق تالاپقا ساي جويۋ قولعا الىندى», -دەيدٸ ينسپەكتسييا باسشىسى نۇرلىبەك گايسين.
وبلىستىق بالىق شارۋاشىلىعى باسقارماسىنىڭ باسشىسى ارتۋر سەدٸبەكۇلىنىڭ مەلٸمەتٸنشە, كٶكتەمدە بالىقتار ۋىلدىرىق شاشۋ ٷشٸن قولايلى ٶرٸسكە شىعادى.
بٷگٸن قىرىلعان بالىق كانال اۋزىنا كەلٸپ تٸرەلٸپ قالعان. قازٸر قاراكٶز بالىعىنىڭ 65 كەلٸ ٶلٸ شاباعى جينالعان.
«قازٸر بالىقتاردىڭ ۋىلدىرىق شاشۋ ورنىنا ەركٸن كٸرۋٸ ٷشٸن قايىرشاقتى وكرۋگٸ اۋماعىنان 800 مەتر كانال قازىلدى. كانالدىڭ تەرەڭدٸگٸ – شامامەن 1 مەتر. ماماندار ٶلگەن بالىقتى جيناپ الدى. ٶلگەن بالىق سانيتارلىق تالاپتارعا سەيكەس كٶمۋ جولىمەن جويىلادى. تٸرٸ بالىقتار سٷزٸلٸپ, جايىق ٶزەنٸنە جٸبەرٸلەدٸ», -دەدٸ ارتۋر سەدٸبەكۇلى.
