Qairat Orazbaev Atyraý ákimi qyzmetinen bosatyldy. Bul derekti oblys ákiminiń baspasóz qyzmeti rastady.
«Atyraý qalasynyń ákimi Qairat Orazbaev emdelý úshin 30 jeltoqsanda eńbek demalysyn alǵan bolatyn. Qala ákimi 10 qańtarda jumysqa keri shaqyrtylyp alyndy. Alaida, ol kelesi kúni densaýlyǵyna bailanysty eńbekke jaramsyzdyq paraqshasyn ashtyrdy. Oblys ákiminiń ókimimen Qairat Orazbaev 14 qańtar kúni óziniń ótinishi negizinde Atyraý qalasy ákimi qyzmetinen bosatyldy. Qazir Atyraý qalasy ákiminiń mindetin atqarý qala ákiminiń orynbasary Jumabek Qarajanovqa júkteldi», - dep habarlady oblys ákiminiń baspasóz qyzmeti.
Jergilikti buqaralyq aqparat quraldary onyń mitingke shyqqan halyqpen kezdespegeni týraly jazdy. Sol úshin eks-ákim synǵa da ushyraǵan.
Orazbaev qala ákimi qyzmetinde bir jyldai jumys istedi. Buǵan deiin munai-gaz kompaniialarynda basshy qyzmetter atqardy.
