قايرات ورازباەۆ اتىراۋ ەكٸمٸ قىزمەتٸنەن بوساتىلدى. بۇل دەرەكتٸ وبلىس ەكٸمٸنٸڭ باسپاسٶز قىزمەتٸ راستادى.
«اتىراۋ قالاسىنىڭ ەكٸمٸ قايرات ورازباەۆ ەمدەلۋ ٷشٸن 30 جەلتوقساندا ەڭبەك دەمالىسىن العان بولاتىن. قالا ەكٸمٸ 10 قاڭتاردا جۇمىسقا كەرٸ شاقىرتىلىپ الىندى. الايدا, ول كەلەسٸ كٷنٸ دەنساۋلىعىنا بايلانىستى ەڭبەككە جارامسىزدىق پاراقشاسىن اشتىردى. وبلىس ەكٸمٸنٸڭ ٶكٸمٸمەن قايرات ورازباەۆ 14 قاڭتار كٷنٸ ٶزٸنٸڭ ٶتٸنٸشٸ نەگٸزٸندە اتىراۋ قالاسى ەكٸمٸ قىزمەتٸنەن بوساتىلدى. قازٸر اتىراۋ قالاسى ەكٸمٸنٸڭ مٸندەتٸن اتقارۋ قالا ەكٸمٸنٸڭ ورىنباسارى جۇمابەك قاراجانوۆقا جٷكتەلدٸ», - دەپ حابارلادى وبلىس ەكٸمٸنٸڭ باسپاسٶز قىزمەتٸ.
جەرگٸلٸكتٸ بۇقارالىق اقپارات قۇرالدارى ونىڭ ميتينگكە شىققان حالىقپەن كەزدەسپەگەنٸ تۋرالى جازدى. سول ٷشٸن ەكس-ەكٸم سىنعا دا ۇشىراعان.
ورازباەۆ قالا ەكٸمٸ قىزمەتٸندە بٸر جىلداي جۇمىس ٸستەدٸ. بۇعان دەيٸن مۇناي-گاز كومپانييالارىندا باسشى قىزمەتتەر اتقاردى.
