Búgin Atyraý qalasyna kirip-shyǵý tolyqtai shekteldi, dep habarlaidy "Ult aqparat".
Atyraý qalasynyń prokýrory Arshat Taitýlinniń habarlaýynsha, karantin kezinde qoǵamdyq qaýipsizdikti qamtamasyz etýge, sondai-aq, qala aýmaǵynda belgilengen ýaqytsha shekteýler talabyn saqtaý sharasyna 674 qyzmetker, 68 avtokólik jumyldyrylǵan. Onyń ishinde ishki ister organdarynyń 500 qyzmetkeri, Ulttyq ulannyń 94 áskeri qyzmetshisi, Qorǵanys ministrliginiń 80 qyzmetkeri bar.
«Prokýratýra janynan qurylǵan mobildik toptar qala aýmaǵynda tótenshe jaǵdai rejimin buzý faktilerin anyqtaityn bolady. Osyǵan qarai, halyqtyń densaýlyǵy men qaýipsizdigin qamtamasyz etý úshin turǵyndardy karantinniń barlyq talabyn saqtaýǵa shaqyramyz» - dedi Atyraý qalasynyń prokýrory Arshat Taitýllin.
Atyraý qalasynyń 4 baǵytyna qoiylǵan blok-bekette ishki ister organdarynan – 48, Qorǵanys ministrliginen 56 qyzmetker kezekshilik atqarýda. Olarǵa 12 arnaiy avtokólik bólingen.
