Atyraý balyqshylarynyń aýyna bekire tuqymdasyna jatatyn alyp qortpa tústi, dep habarlaidy QazAqparat.
Balyq sharýashylyǵy komitetiniń resmi ókili Aslan Jeńisulynyń aitýynsha, baǵaly balyq búgin Jaiyq ózeniniń «Kishi Damby» tartymynda aýlanǵan.
«Memlekettik tapsyrysty oryndaý maqsatynda 19 sáýirde «Amangeldi atyndaǵy» JShS-niń balyqshylar brigadasy Jaiyq ózenindegi «Kishi Damby» tartymynan alyp qortpany aýlady. Baǵaly balyqty aýlaýǵa «Jaiyq-Atyraý bekire balyq ósirý zaýyty» RMQK-niń qyzmetkerleri de qatysty. Sý marjanynyń salmaǵy shamamen 200 kelige jýyq. Qazir alyp qortpa bekire balyqtaryn ósirý zaýytyna jetkizildi», - dedi Aslan Jeńisuly.
