Atyraý, Almaty, Mańǵystaý, Batys Qazaqstan oblystarynda COVID-19 órship tur. Bul týraly QR Bas memlekettik sanitar dárigeri Aijan Esmaǵambetova aitty, dep habarlaidy "Ult aqparat".
«Qazirgi ýaqytta koronavirýs infektsiiasymen syrqattaný boiynsha epidemiologiialyq jaǵdai turaqty emes. 2020 jyldyń 4 shildedegi jaǵdai boiynsha Qazaqstanda COVID-19 aýrýynyń 45 719 jaǵdaiy tirkeldi. Búgingi kúni aýrýdyń simptomsyz jáne jeńil ótýi 21 819 patsientte baiqalady. Aýrýdyń ortasha dárejede ótýi 23 645 baiqalyp otyr. 15 276 naýqas aýrýhanadan emdelip shyqty. 30 219 naýqas em alyp jatyr», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, sońǵy aida koronavirýs infektsiiasymen aýyrǵan adamdardyń kópshiligi Nur-Sultan, Almaty, Shymkent qalalarynyń, Atyraý, Qaraǵandy, Batys Qazaqstan oblystarynyń turǵyndary arasynda baiqalady.
«Sońǵy táýlikte 1 644 juqtyrý jaǵdaiy tirkeldi. Kópshiligi Atyraý, Almaty, Mańǵystaý, Batys Qazaqstan oblystarynyń jáne Almaty qalasynyń turǵyndary arasynda tirkelgen. 4 shildedegi jaǵdai boiynsha aýyrǵan adamdardyń jalpy sanynyń 42 paiyzy profilaktikalyq tekserý kezinde anyqtalǵan. 37 paiyzy bailanysta bolǵan adamdardyń arasynda shyqty. 19 paiyzy ózdiginen júginý kezinde jáne 2 paiyzy syrttan kelgenderdiń arasynda tabyldy», - dedi Aijan Esmaǵambetov.
