Teńiz kenishindegi koronavirýsqa qatysty jaǵdai turaqtaldy. Bul týraly búgin Úkimet otyrysynda Atyraý oblysynyń ákimi Mahambet Dosmuhambetov aitty, dep habarlaidy "Ult aqparat".
«Atyraý oblysynda koronavirýs infektsiiasynyń 1 379 jaǵdaiy tirkeldi. Tirkelgen jaǵdailar qala men aýdandar bólinisinde tómendegidei: Atyraý qalasynda 200, aýdandar ishinde joǵary kórsetkish Jyloi aýdanynda 1 100-dy qurap otyr. Onyń ishinde Teńiz kenishinde - 1 039 jaǵdai. Qalǵan aýdandarynda 69 jaǵdai tirkeldi. Oblysta 1 015 adam emdelip shyqty, bul 73,6 paiyzdy quraidy. Emdelý dinamikasynyń oń kórsetkishine qaramastan, ókinishke orai oblysymyzda 8 adam indetten kóz jumdy. Sońǵy aptada kún saiyn shamamen 100-150 adamnyń aralyǵynda jańa koronavirýs jaǵdaiy tirkelýde.Onyń 70 paiyzdan astamy aýrý belgileri joq naýqastar», - dedi oblys basshysy.
Onyń atap ótýinshe, aýrý belgileri boiynsha meditsinalyq kómekke júginý nátijesinde koronairýs anyqtalǵandar 7,6, klinika arqyly 38, Teńizdegi demobilizatsiia kezinde anyqtalǵandar 8,7, syrttan kelgender 1 paiyzǵa jýyq, bailanysqan adamdar arqyly 44 paiyzdy quraidy.
«Teńizde anyqtalǵan 1 039 jaǵdai «TShO-157« merdiger uiymdarynyń qyzmetkerleri arasynda 36 aýrý oshqatarynan tabylyp otyr. Búgingi kúni Teńizdiń 94 vahtalyq qalashyǵynda 13 600 adam turyp jatyr. Birinshi demobilizatsiiada 19 400, ekinshi demobilizatsiiada 7 700-ge jýyq adam shyǵaryldy. Qazirgi tańda Teńizde vahtalyq aýysym uiymdastyrylyp, taza aimaqqa jumysqa keletin qyzmetkerler PTR-testiniń teris nátijesimen eńbekke kirisýde. Búginde Teńizdegi jaǵdai turaqtylyp, ósim 1,8 paiyzdy kórsetýde», - dedi Mahambet Dosmuhambetov.
