تەڭٸز كەنٸشٸندەگٸ كوروناۆيرۋسقا قاتىستى جاعداي تۇراقتالدى. بۇل تۋرالى بٷگٸن ٷكٸمەت وتىرىسىندا اتىراۋ وبلىسىنىڭ ەكٸمٸ ماحامبەت دوسمۇحامبەتوۆ ايتتى, دەپ حابارلايدى "ۇلت اقپارات".
«اتىراۋ وبلىسىندا كوروناۆيرۋس ينفەكتسيياسىنىڭ 1 379 جاعدايى تٸركەلدٸ. تٸركەلگەن جاعدايلار قالا مەن اۋداندار بٶلٸنٸسٸندە تٶمەندەگٸدەي: اتىراۋ قالاسىندا 200, اۋداندار ٸشٸندە جوعارى كٶرسەتكٸش جىلوي اۋدانىندا 1 100-دى قۇراپ وتىر. ونىڭ ٸشٸندە تەڭٸز كەنٸشٸندە - 1 039 جاعداي. قالعان اۋداندارىندا 69 جاعداي تٸركەلدٸ. وبلىستا 1 015 ادام ەمدەلٸپ شىقتى, بۇل 73,6 پايىزدى قۇرايدى. ەمدەلۋ ديناميكاسىنىڭ وڭ كٶرسەتكٸشٸنە قاراماستان, ٶكٸنٸشكە وراي وبلىسىمىزدا 8 ادام ٸندەتتەن كٶز جۇمدى. سوڭعى اپتادا كٷن سايىن شامامەن 100-150 ادامنىڭ ارالىعىندا جاڭا كوروناۆيرۋس جاعدايى تٸركەلۋدە.ونىڭ 70 پايىزدان استامى اۋرۋ بەلگٸلەرٸ جوق ناۋقاستار», - دەدٸ وبلىس باسشىسى.
ونىڭ اتاپ ٶتۋٸنشە, اۋرۋ بەلگٸلەرٸ بويىنشا مەديتسينالىق كٶمەككە جٷگٸنۋ نەتيجەسٸندە كورونايرۋس انىقتالعاندار 7,6, كلينيكا ارقىلى 38, تەڭٸزدەگٸ دەموبيليزاتسييا كەزٸندە انىقتالعاندار 8,7, سىرتتان كەلگەندەر 1 پايىزعا جۋىق, بايلانىسقان ادامدار ارقىلى 44 پايىزدى قۇرايدى.
«تەڭٸزدە انىقتالعان 1 039 جاعداي «تشو-157« مەردٸگەر ۇيىمدارىنىڭ قىزمەتكەرلەرٸ اراسىندا 36 اۋرۋ وشقاتارىنان تابىلىپ وتىر. بٷگٸنگٸ كٷنٸ تەڭٸزدٸڭ 94 ۆاحتالىق قالاشىعىندا 13 600 ادام تۇرىپ جاتىر. بٸرٸنشٸ دەموبيليزاتسييادا 19 400, ەكٸنشٸ دەموبيليزاتسييادا 7 700-گە جۋىق ادام شىعارىلدى. قازٸرگٸ تاڭدا تەڭٸزدە ۆاحتالىق اۋىسىم ۇيىمداستىرىلىپ, تازا ايماققا جۇمىسقا كەلەتٸن قىزمەتكەرلەر پتر-تەستٸنٸڭ تەرٸس نەتيجەسٸمەن ەڭبەككە كٸرٸسۋدە. بٷگٸندە تەڭٸزدەگٸ جاعداي تۇراقتىلىپ, ٶسٸم 1,8 پايىزدى كٶرسەتۋدە», - دەدٸ ماحامبەت دوسمۇحامبەتوۆ.
