Atyraý qalasynyń ákimi Shákir Keikin men onyń orynbasary Meiirjan Muqasov qylmystyq is aiasynda tek suraq-jaýapqa shaqyrylǵan, al olardyń qamaýǵa alynǵany týraly jelide taraǵan aqparat shyndyqqa janaspaidy, dep habarlaidy ult.kz.
Bul týraly advokat Nurlan Jolbolov málimdedi.
Zańgerdiń aitýynsha sońǵy kúnderi BAQ-ta Ulttyq qaýipsizdik komitetiniń qyzmetkerleri qala basshylyǵyn ustaǵany týraly qaýeset taraǵan. Ol quqyq qorǵaý organdarynyń óndirisindegi is boiynsha sheneýnikterden tek jaýap alynǵanyn jáne bul protseste olarǵa ózderiniń advokattyq keńsesi qoldaý kórsetip otyrǵanyn jetkizdi.
«Qala ákimi de, onyń orynbasary da qamaýǵa alynǵan joq jáne qazirgi ýaqytta olar óz jumys oryndarynda qyzmetin jalǵastyryp jatyr», — dedi qorǵaýshy.
Eske sala keteiik, buǵan deiin «Aqjaiyq» basylymy ǵimarat aldynan qala ákimin arnaiy qyzmet ókilderi alyp ketkeni jáne onyń orynbasary ustalǵany týraly jazǵan edi.
