Bilim jáne ǵylym ministri Ashat Aimaǵambetov attestatsiia kezinde qaitys bolǵan muǵalim týraly aityp, oqiǵaǵa qatysty pikir bildirdi, - dep habarlaidy Tengrinews.kz tilshisi.
Úkimette ótken brifingte jýrnalister ministrden Almatyda biliktilik testileýi kezinde muǵalim qaitys bolǵan qaiǵyly oqiǵa týraly surady.
"Birinshiden, men bul atyshýly isti attestatsiiadan ótýmen bailanystyrmaimyn. Ekinshiden, bul jerde meditsina qyzmetkerleriniń jumysyna qatysty: meditsina qyzmetkeri osy jerde bolýǵa mindetti bolatyn, al qyzmetkerdiń sol ýaqytta jumysta bolmaýy, árine, úlken signal. Sondyqtan barlyq joǵary oqý orny men bilim berý uiymdaryna qajetti jumystar júrgizildi. Osyǵan bailanysty olardyń únemi jumysta bolýy, qajet bolǵan jaǵdaida tiisti kómek kórsetýi úshin baqylaý qamtamasyz etiledi", - dedi Aimaǵambetov.
Bilim jáne ǵylym ministrliginiń basshysy marqum áriptesi bilikti maman bolǵanyn jáne ózine sengenin aitty.
"Onyń attestatsiiadan ótý qajettiligi bolmaǵan, mektepke jumysqa 2020 jyly ornalasqanyna bailanysty. Ol baǵdarlamany jaqsy bile otyryp, tapsyratyny nemese tapsyrmaityny týraly alańdamai, qujattaryn ótkizýdi uiǵardy", - dedi ministr.
Aimaǵambetov muǵalim esepte turǵanyn jáne syrqaty bolǵanyn eske aldy.
"Tańerteń ózin biraz jaisyz sezingen, týystary oǵan barmaýdy usynyp, bul kúndi ótkizýge keńes bergen. Soǵan qaramastan, áriptesimiz ózine senimdi bolǵan. Ol myqty maman bolatyn, sondyqtan testileýden ótetin/ótpeitinine qaramastan attestatsiiaǵa kelýdi uiǵarǵan", - dedi Aimaǵambetov.
15 sáýirde Almatyda ulttyq biliktilik testileý kezinde jekemenshik mektepterdiń biriniń 1973 jyly týǵan muǵalimi qaitys bolǵany belgili boldy.
Keiin bilim vitse-ministri qaiǵyly oqiǵaǵa qatysty pikir bildirip, er adamnyń sozylmaly dertke shaldyqqanyn jáne júrek aýrýyna bailanysty esepte bolǵanyn aitty.
